嚟緊灣仔會展暑假期間有好幾個大展，由下星期開始陸續舉辦，包括「書展」啦、「動漫電玩節」、「嬰兒兒童用品博覽」啦、「美食博覽」啦，都係一眾大人細路的必去趁墟節目。今年去開會展的話，不妨去埋今年四月底喺新翼旁邊新開嘅「動漫海濱樂園」逛下，自拍一番。

樂園展出了30個本地原創動漫角色的塑像，包括老夫子、步驚雲、王小虎、丁丁企鵝及聾貓等，還有多個充滿地道特色的香港動漫場景。所以就算不是動漫迷，都可以當係同啲場景影相，譬如扮下「打麻將」、扮「剪頭髮」，或者玩下「跳飛機」遊戲咁，selfie就啱晒啦。當然，如果你係本地動漫迷，投入感就更大啦。

「喂，做乜擒上車頂啊！快啲落返嚟啦！」電車上的卡通人物包括：白貓Q小子、丁丁企鵝、癲噹、白熊同埋聾貓。擒上車頂的曳豬係笑笑、福仔同棉棉。

丁丁同Ｑ小子猜包剪揼。

攻打四方城，夏日游乾水。

棉棉：「陳洛軍，幫我修下我啲鬈毛，唔該！」

同森巴一齊跳飛機。

支持我們繼續營運

「拖手仔去街GUIDE」旅遊網一直由編輯K和M自掏腰包經營，由2016年至今已經幾年，背後並無任何BACKUP。亦由於我們不想太HARDSELL和賣廣告，一直以來極少接鱔稿JOB。

如覺得我們的資訊又用，想給我們一點鼓勵，請以PAYME或FPS打賞（SCAN QR CODE）。多多益善，少少無拘。

Payme: https://payme.hsbc/guideguidehk

FPS ID（轉數快）：0718742（姓名 HUI S*** M**）

同海虎去茶餐廳食蛋撻！

跟華英雄同郭靖耍功夫。

馬仔忙湊仔又忙玩平板。

福仔瞓地話佢比CUSON靚仔咁話。

溫馨提示：隔籬就係金紫荊廣場，要有同自由行遊客咔嚓過招的心理預備啊！