小編精選十大商場X遊樂場，有得行有得玩，好梳乎！雖說小編向來支持地區小店多於連鎖集團的大型商場，對近年各大商場模式變得千篇一律、好似無晒個性咁更是深痛惡絕一殼眼淚，不過帶住小朋友，間中行商場也是無可厚非……因為冬天凍冰冰，室內行下出面玩下，唔怕凍親感冒；夏天又有冷氣歎、落雨有瓦遮頭、食肆無乜驚喜但企理，周不時仲有應節布置可以影相呃LIKE，兼最最重要，仲有乾淨廁所！！！（好重要所以要三個感歎號）
不過去商場又唔使一定消費，行下逛下去完VEEVEE之餘，最抵死之處係有得玩，畀小朋友放電！以下係精選10大：

【商場配套設施】

01/ 荃灣廣場商場 5/F平台花園太空樂園（Adventure Park）

荃灣廣場商場五樓的平台花園佔地超過23,000平方呎，是個戶外空中休憩公園，加以「太空樂園」為主題的兒童遊樂場，算係幾大型！鞦韆、滑梯、攀爬架、搖搖板等基本設施齊備，唔侷促，小朋友跑勻全場，肯定放足電。

詳細介紹：http://www.guideguide.hk/?p=3435

02/ MOKO MALL 玩完即刻有得食好梳乎

Moko露天兒童遊樂場坐落在商場三樓商場三樓Food Opera食代館旁邊，吃飯前可以先來盡情玩耍嬉戲，玩樂設施是近年新換的，所以算是相當新淨。同一層是兒童服裝樓層，上下亦有兒童護理間，媽媽們可以在此哺乳。

面積頗大，呈長方形，立即熱身跑來跑去。遊樂設施有常見的滑梯、攀爬架等，設有較幼兒的區域，適合兩三歲寶實聚集玩餐飽。還有個較特色的點點跳跳陣。最過癮是，商場每逢大時大節的主題裝飾多會擴展至兒童遊樂場，增設特色玩意。

03/ 沙田新城市廣場史諾比開心世界Snoopy's World

「拖手仔去街GUIDE」旅遊網一直由編輯K和M自掏腰包經營，由2016年至今已經幾年，背後並無任何BACKUP。亦由於我們不想太HARDSELL和賣廣告，一直以來極少接鱔稿JOB。

如覺得我們的資訊又用，想給我們一點鼓勵，請以PAYME或FPS打賞（SCAN QR CODE）。多多益善，少少無拘。

Payme: https://payme.hsbc/guideguidehk

FPS ID（轉數快）：0718742（姓名 HUI S*** M**）

沙田新城市廣場有個免費的主題遊樂園－－「史諾比開心世界」，遊樂設施雖不太足，但勝在仿漫畫建築和佈置，單是拍照已很漂亮。入口是史諾比大屋，屋頂上的史諾比在打瞌睡，屋內是校巴黃巴士、美式理髮店、荷里活式戲院，一切充滿美國風情，溫馨童趣。大人或許覺得無趣，但對小朋友而言，這絕對是好玩的樂園，好似進入了真實的漫畫世界！

詳細介紹：http://www.guideguide.hk/?p=1367