＊太平山頂日與夜＊ 

台北巿長柯P說香港無聊，就他去過香港幾次，次次去太平山頂觀夜景，看多了不過平平無奇喎！唔，人就係咁，就好似睇靚女咁，睇多了都會覺得不外如是，但決不能否認，靚女就係靚女，始終養眼，賞心悅目。講真，香港夜景其實真係幾出名，跟日本北海道函館夜景和意大利拿坡里夜景長久以來被合稱世界三大夜景。日本人更喜用「100万ドルの夜景（一百萬美元夜景）」來盛讚這璀璨景色，指其價值連城。第一次睇，或者隔耐少少再去睇，都一定會從心底裡讚賞！（HEY，邊個叫你次次嚟香港都剩係去山頂睇夜景啫，香港十八區其實仲有好多地方好去，次次都齋去旅遊景點就梗係好似鴨仔團咁悶咁無悶啦！）

好喇！言歸正傳，如果你未去過太平山頂睇夜景，點得架！

咁去太平山頂睇夜景，有邊幾個觀賞地點呢？盧吉道其實係個唔錯的選擇，不過夜媽媽，拖住小朋友仲要行咁遠就無咁方便啦～～而方便之選，就有三個，分別就係遊客打卡位：獅子亭，同埋太平山頂兩大商商場：山頂廣場及凌霄閣，上面的無敵觀景台！兩者都可以遠眺維港燦爛景色！

山頂廣場三樓Green Terrace

免費觀景台，一端面向薄扶林水塘，青山線水，景色秀麗；一端面向維港，景觀雖稍被凌霄閣遮掩，仍壯麗無比。

凌霄閣摩天台428

號稱是香港最高360度觀景台，不過要收費，實際景色只比山頂廣場稍稍開揚。

獅子亭

支持我們繼續營運

「拖手仔去街GUIDE」旅遊網一直由編輯K和M自掏腰包經營，由2016年至今已經幾年，背後並無任何BACKUP。亦由於我們不想太HARDSELL和賣廣告，一直以來極少接鱔稿JOB。

如覺得我們的資訊又用，想給我們一點鼓勵，請以PAYME或FPS打賞（SCAN QR CODE）。多多益善，少少無拘。

Payme: https://payme.hsbc/guideguidehk

FPS ID（轉數快）：0718742（姓名 HUI S*** M**）

太平山獅子亭位於凌霄閣側，位於太平山爐峰峽，最香港最著名的獅子亭，絕對是觀賞維多利亞港兩岸及高樓大廈的熱門地點。從纜車站沿芬梨徑前往獅子亭，大約五分鐘內。

鳴謝：丘氏家庭借出部分相片