拖住小朋友想食餐好？有時真的很頭痕吧。想好似韓劇中那些美女跟OPPA大啖大啖歎燒肉？好似已經變成是奢望。
當然，找個好似孔劉一樣的OPPA就無乜希望了，但原來即使帶著小孩，都一樣可以坐定定食餐好的願望，唔係咁難實現架咋！
小編們發掘了位於茘枝角某工廠大廈內的「焱咲自煮理平板燒概念店」，性價比都幾高，好，跟住來睇下啦！

一／地點方便

唔好以為隱身在工廠內會很難找，這間主打烤肉的親子餐廳就在D2 Place毗鄰的工廈，在茘枝角站D2出口，行幾分鐘就到。

二／獨立兒童遊戲室

問店主搞呢間親子餐廳的宗旨和初衷，佢這樣說：「帶著小朋友，想坐得舒服，真真正正吃頓好的，很難；所以想到將油煙較少的遠紅外線平板燒跟兒童樂園結合。」目標其實很單純。於是一入門口，即刻看到有個百多呎的兒童遊樂室，鋪有厚膠墊，有齊滑梯、波波池、搖搖櫈等等基本遊樂設施。小朋友可以在裡面玩個夠！家長就在外面「風流快活」，傾偈談心、真正享受美食。

遊戲室唔算好大，不過相信8歲以下的小朋友都會覺得好玩。（遊戲室可以畀12歲以下的小朋友入去玩，不過小編覺得，大孩子可能會覺得有啲幼稚喇）

為確保衛生，入去玩之前要先量體溫。另外，店主保證，波波池的波波每日都會更換清洗喇！

支持我們繼續營運

「拖手仔去街GUIDE」旅遊網一直由編輯K和M自掏腰包經營，由2016年至今已經幾年，背後並無任何BACKUP。亦由於我們不想太HARDSELL和賣廣告，一直以來極少接鱔稿JOB。

如覺得我們的資訊又用，想給我們一點鼓勵，請以PAYME或FPS打賞（SCAN QR CODE）。多多益善，少少無拘。

Payme: https://payme.hsbc/guideguidehk

FPS ID（轉數快）：0718742（姓名 HUI S*** M**）

三／健康BBQ   食材新鮮有水準

嗱，老老實實，好多親子餐廳，或者卡通角色主題餐廳，都只係勝在有地方畀小朋友玩，企企理理光光鮮鮮，或者有啲得意卡通造型食物畀大家影下相打下卡，但食物味道就。。。。。。就算唔難食，都唔可以稱得上話好好食囉。

不過呢間平板燒專門店，小編覺得真係可以評為「好食」。

呢種燒烤方法，原來最需要的是食材新鮮，因為它不會事先醃製，而且採用無油烹調，油都唔落一滴，絕對係嚐鮮！但勢估唔到，雖然無醃又無油，但啲燒肉一樣好JUICY，又加上無味精，總之有牙仔的小朋友已經可以大快朵頤！

呢個係四人份的SET，每個大人套餐都包括以下指定食物：

1/ 是日餐湯、有機野菜沙律

2/ 主菜：黃大金蝦、黑豚帶子盒、黑豚腩片、黑豚柳、豬肘骨、蘆荀牛肉卷、一口和牛粒、鮮嫩蛋汁洋葱圈／番茄圈、鮮果釀雞翼、比目魚、新鮮雜菌、翡翠甜瓜
3/ 三色米香飯、是日甜品
4/ 飲品放題（如汽水、菊花茶、綠茶等）

每SET $288，另收加一。當然，如果覺得套餐唔夠食，就可以自行追加啦，譬如安格斯牛扒12安士的價目係$198。

＃　＃　＃

岔開賣廣告一下：在我們出版的《親子200遊》裡面，更免費送你兒童果味香檳（無酒精），卜一聲開瓶，好有派對氣氛，小朋友一定喜歡！

《親子200遊》現已在各大書店有售，記得買第三版先至有呢張優惠券啊；
或者可以直接向我地網上訂購： https://goo.gl/forms/ozdNpOzmgKN1A26F2　（我地係免費送到你選擇的順豐站架！嘩，早買買享受囉）

＃　＃　＃

好喇，食材就好豐富，咁會唔會好易燒燶架？或者使唔使好多技巧？

答案：真係有對手＋有個計時器就識燒架喇！

店內採用的「遠紅外線平板燒燒烤爐」係有專利，真係幾神奇。預熱到一定溫度，將食材放上去，燒夠一定時間（每樣食材所須的時間都唔同，由幾分鐘到十幾分鐘不等），反轉一次，燒另一邊，就大功告成！

只要時間拿捏得準（其實根本唔使自己拿捏，店員會有指示話你知要燒幾耐），期間唔好多手將佢反來反去，咁就ＯＫ的了。

發熱管通紅，可以開始了！

OK，搞定，開動！！！！！！

食肉獸小編K大叫：用肉包住的帶子，好好好好味啊！
小編S：我真係好欣賞啲雞翼，入面釀咗蘋果同紅蘿蔔，好FRESH！

肉汁湧晒出來，本身已很夠鮮味！但係嫌單調，都可以加啲調味的！其中一款調味係新鮮原隻檸檬汁！

收爐後，仲可以食埋是日甜品啊！

四／小王子小公主套餐

如果始終都係驚小朋友食BBQ太熱氣？已煮好的兒童餐可能仲方便啦！包括有：餐湯、各式主菜、香飯、甜品等，每位$168，另收加一。而三歲以下小童則可以不用點餐。

五／環境KIDS-FRIENDLY

全店千多呎，以大枱和四人枱為主，所以其實真係好啱一家大細，或者一班朋友聚會。該店亦提供包場服務，詳情可以WhatsApp查詢。

店則有一些便利小童設施，如兒童廁板、換片床、暖奶器、冷熱水器。另外值得一提的是，晚巿只做一場，所以如果book咗位，係可以由晚上七時食到最夜晚上十一時三十分，合共四個半小時。唔似得坊間的燒肉店，可能會有時限。如果得一、兩個鐘，點夠時間傾偈啊！

座位有限，不設WALK-IN，記得先預約啊！