粉嶺聯和墟是個美食天堂，條條街都有必食小店，一定可找到和小朋友對口味的美食，像小編K，每次去都都由早食到晚，撐爆肚包。位於和隆街的協香麫包西餅就主打雞髀包，雞髀+麵包咁新穎的組合，加埋都只係$8蚊咋，好抵食。一口咬下，原隻油雞髀加麫麵香，肉感十足！除了附近街坊，專誠為它走來粉嶺的食客都不少，大家企滿餅店等麵包出爐！

店內經常有人等待鎮店雞髀包新鮮出爐，每人一掃便是幾個。一爐12個，一下子就賣光光，要等下一輪啦！據講雞髀包日賣多達八百個呢。人多時，先向職員說好買多少個再排隊等候。

原隻油雞髀先以滷水煮熟再放過夜，整體滋味十足，售8港元。食一個就飽飽！

雞髀包好唔好食呢就見仁見智啦，小編M就覺得個組合幾得意，價錢又唔貴，但試無妨。

溫馨提示：

>>適合初小以上

>>假日前往，建議提早去買，因店家指一般4pm就賣晒。

好味度：3星（5星最高）
抵食度：4.5星