溫馨提示：
(1) 入秋後，大東山「爛頭營」附近整個山頭，就會慢慢長滿芒草；不過今日仲係30度高溫，所以仲未係高峰期。
(2) 激死人，人多垃圾多！上個星期就有人報料，話沿途垃圾令欲哭無淚。登山格言：自己垃圾自己帶走！
(3) 唔好懶有型爬上「爛頭營」屋頂影相！咁搞法，遲早塌；以為影出嚟好有型，其實最肉酸。

總評：
美景度：4星（5星）
難登度：4星（5星）

圖片為早幾年當大東山還未受寵幸時，小編跟小狗去攀登的留影。

大東山
簡介：高869米，英文名字為Sunset Peak，顧名思義，睇日落一流。在大東山與二東山之間的高地上，有幾間石屋。這些俗稱爛頭營的石屋群，是上世紀五十年代由外籍傳教士所興建的渡假屋，現時部份由私人擁有，部份則交由爛頭營義工團及International MissionBoard Office管理，可申請租用住宿。

前往方法：
(1) 由東涌乘11號巴士到伯公坳鳯凰徑為起點，行超過一千級的天梯（石砌小徑，C All Star首《天梯》都係喺度拍）！需時約兩小時。
(2) 從梅窩南山郊野公園沿山路上，步程約兩小時。