暑假去玩去癲去邊好？？拖手仔去街Guide千挑萬選，認真思考了整個下午，終於整理出2016暑假去玩指南。分「限定篇」和「永恆篇」。「限定篇」中，我們精選了今年盛夏限定的好活動，有商場有沙灘，遍佈港九新界，總有一個啱你玩。最有趣的是，很多個商場活動都以競技為主題，大概是配合8月的里約熱內盧奧運會吧！！？

1. 學堂招生！齊做救援小英雄！

捨己為人的勇猛英雄，幾時都要向佢地真心致敬，唔好等到抽水時。在變成齪齷的大人以前，小朋友誰都希望自己是英雄不是小人吧！有機會學做喇～皇室堡搵嚟韓國的人氣卡通《Robocar POLI》，佢地總動員教大家做個救援小英雄！ 除左有例牌的影相位後，最好玩的是「救援小隊挑戰區」，當中遊戲刺激緊張，例如「Robocar POLI 360 度小英雄逐個捉」，係畀小朋友置身虛擬電子遊戲中，與一眾小英雄並肩作戰！又例如「無敵吊臂王」、 「Robocar POLI「星」蹤奪寶戰」及「無敵滅火隊」，係考驗的眼界及敏捷度，小朋友可激戰鬥一番。完成各項任務後，仲可以獲得限定版主題精美禮品㗎。

反應敏捷又風趣幽默的直昇機HELLY等著大家來變身成小英雄的一分子。

360度小英雄逐個捉，置身虛擬電子遊戲中，與一眾小英雄並肩作戰。

布姆鎮內，逾4米高的小隊救援站內，小隊主角們齊集期待跟大家見面!

場內設Amber拍照位給大人小朋友齊齊大拍開心照。

場內1樓特別搭建了40尺大的布姆鎮模型縮影場景。

日期：6月26日至 8月28日
時間：上午 10 時至晚上 10 時（部分活動開放時間不同）
地點：皇室堡地下中庭
費用：部分免費、部分需消費滿指定金額

2. 老麥玩具collections

由今日（6月30日）起，至7月17日，太古城中心有個「麥當勞玩具樂園」展覽，展出歷年N咁多件玩具。數最經典，我第一時間諗起「史諾比世界之旅系列」，當年真係無乜邊個冇換過！最記得當時有唔少人只想要隻公仔唔想要餐，而將份餐轉贈畀街友，令佢地都大叫要命食到厭，豎牌寫明：「請不要再送我漢堡餐！」搞笑非常。仲有「Hello Kitty戀愛麥語」，不少少男為了氹女友開心換畀佢，食包食到心驚！ 逢星期六、日，麥當勞叔叔& Friends，如滑嘟嘟、小飛飛同漢堡神偷會現身，同大家玩下遊戲影下相。現場又有立體裝置，不少昔日布置，例如果棵笑笑口（有細路覺得驚）的懷舊蘋果樹都復活重現，最啱七十後、八十後爸媽懷舊一番。 早幾日電視重播過呢個老麥經典廣告：https://www.youtube.com/watch?v=kT1D9SgUrsY，嘩，原來都差唔多係20年前的1997年。我就唔係好記得呢個廣告，不過就記得果陣時的香港充滿希望，真是美好的過去啊～～

日期：6月30日至7月17日
時間：上午11時至下午9時
地點：太古城中心二樓中庭、中橋及5樓

3. Ifc七彩繽紛大型繩網

支持我們繼續營運

「拖手仔去街GUIDE」旅遊網一直由編輯K和M自掏腰包經營，由2016年至今已經幾年，背後並無任何BACKUP。亦由於我們不想太HARDSELL和賣廣告，一直以來極少接鱔稿JOB。

如覺得我們的資訊又用，想給我們一點鼓勵，請以PAYME或FPS打賞（SCAN QR CODE）。多多益善，少少無拘。

Payme: https://payme.hsbc/guideguidehk

FPS ID（轉數快）：0718742（姓名 HUI S*** M**）

高級商場果然高級，跳出搵人氣卡通人物做布景板的一般例牌裝置，找了日本的紡織藝術大師堀內紀子，手織了一個總面積超過七十平方米的「手工編織遊樂場」，畀大人細路任意攀爬、彈跳，正到痺！

日期：7月1日至9月12日
時間：上午 11 時至晚上 9 時，每場為 20 分鐘，每半小時開始新場次 (如 11 時、11 時 30 分、12 時，如此類推)
地點：中環IFC商場一樓Oval Atrium
費用：全免

要預約，先有得玩！
電話預約日期：由 6 月 30 日起 (有效至次階段網上預約開始，網上預約日期將容後再作公佈)
接受預約時間：上午9時至晚上7時
預約電話專線：9384 4149 (只此一線)
可供登記之場次：登記日起計共兩天 (即明天、後天) 之活動場次，名額先到先得

注意：
1. 要除鞋及著襪
2. 唔可以帶自拍桿或單鏡反光相機
3. 入面唔可以飲食

4.同海賊王夏日激航狂歡！

將於中環海濱活動空間舉辦的大型戶活外活動one-piece夏日嘉年華「海賊王．夏日激航狂歡世界」相信經過鋪天蓋地的廣告宣傳之後，大家都已經留意到。我好鬼中意路飛、索柏和奈美佢地㗎，不過全日通票價都幾「乸脷」，要成400/ 500蚊！如果唔買全日通，入場費就盛惠50蚊（12歲以下小童可隨家長或成年人陪同下免費入場）；入咗場就逐樣競技遊戲計錢，包括：【海賊王頂上決戰障礙賽】（包四個遊戲【路飛橡皮槍彈拳頭陣】、【索柏毛皮強化彈彈球】、【烏索普旋轉陷阱狙擊陣】、【芬奇超Super鐵人滑梯】）、【魯賓百花繚亂滑水天梯】、【奈美沖天奪寶滑翔梯】、【前進號水手訓練區】，票價由幾十蚊至二日蚊不等。

唔玩「競技遊戲」，都仲有啲小型些的攤位遊戲，同埋吹泡泡kids zone等；另外仲有紀念商品店。呢班海賊吖，真係落晒力想打劫大家的荷包啊！忍得手的話，入去影下相都開心嘅，成艘「烈陽號」泊喺度啊！

日期：7月8日至8月7日
地點：中環海濱活動空間 開放時間：周一至五2pm-10pm；周六及日 11am-10pm
門票：基本入場費$50：平日套票$400周；周末套票 $500（12歲或以下兒童隨大人免費進場）
購票及詳情：http://www.onepiececarnival.com/

5.益智夏令營

 以前放暑假，我就中意hea、有啲同學仔會玩到癲，不過有啲呢，就好乖乖中意去學下野，增值下咁話。睇怕青衣城今年決定搞乜商場活動的高層都係相信「益益智智，家長最中意」喇，所以嚟緊呢個半月，幫大家諗咗同準備咗好多「益智學堂」，等各位小朋友同埋家長們都keep住有堂上、有嘢學咁喎！星級主持包括有著名前新聞報道員方健儀、著名唱片騎師「潮媽」朱薰等等。

日期：7月8日至8月31日 另外，全新的「黑暗中對話」體驗館會移師去到青衣城，讓小朋友及家長們在黑暗中感受熱烈的巴西奧運嘉年華氣氛。嘩，一樣好有教育意義啊。

地點：青衣城

 6. 海綿寶寶遊樂場

7. RUNNING M&M’S

《Running Man》就睇得多，識行識走識挑戰難關的Running M&M’s你又見過未呢？奧海城由7月14日至8月31日，逢星期一至五，將設置「RUNNING M&M'S全能挑戰場」，有多個刺激好玩之競技項目，如競跑、平衡木、石春路及攀石牆等。如果你自認係充滿運動細胞，就可以施展渾身解數過關贏比賽。只要能夠喺限時內一氣呵成完成所有挑戰，就可以打開「M&M'S幸運彩球」，有機會贏到禮物㗎！ 如果想輕鬆一點，重點挑戰個人強項，大家亦可於星期六及星期日期間，玩「三項鐵人挑戰賽」，唔玩全程改玩獨立挑戰項目！而小朋友挑戰唔到大場可以選擇玩「熱身遊戲區」啊！
（P.S. 除咗奧海城，藍灣廣場、帝庭軒購物商場同埋中港城將會同期設有不同的 M&M’S主題布置，消費夠指定金額都可以換遊戲券）

日期：7月14日至8月31日
時間：12:00pm-9:00pm
地點：奧海城2期地下主題中庭

8. 去巴西玩運動

巴西在今個夏天將會舉辦四年一次的奧運，想飛去睇比賽，可真有點難度！不如到新都城中心感受熱辣辣的運動Party吧，這裡由7月14日至8月31日將瞬間變身為巴西主場的「Clash of Sports熱爆激鬥」夏日活動。中庭設巨型亮眼火炬，裝潢以黃、綠、藍為主色調，加上不同類型的運動遊戲，猶如置身比賽現場一樣，狂熱氣氛滿瀉！大人細路可以變身單車運動員，大玩4米闊的巨型全息投射(3D Hologram)結合虛擬實境(Virtual Reality)技術的越野單車挑戰賽，走入裝置內駕駛單車，立體影像與實景結合，可能會誤以為自己真的在巴西比賽呢！還有裝置「陸上激鬥水運會」體感遊戲、虛擬噴漆DIY運動衣拍攝區，和「快跑激鬥」互動屏幕遊戲，大灑汗水！

互動遊戲開放時間：2016年7月14日至8月31日期間下午1時至晚上9時(逢星期五、六、日及公眾假期開放)
地點：新都城中心中庭
收費：部分活動免費；部分必須換領「Clash of Sports熱爆激鬥」互動遊戲通行証，需即日消費滿 HK$ 300 或以上（2張不同商戶的即日有效發票）。
通行証換領地點：MCPMCPMCP新都城中心 2期 L1 禮賓部
互動遊戲地點：MCP新都城中心 2期 L1 天幕廣場

9. 趣怪得意運動村KOLOUR Play-lympic City

奧運熱潮停不了，荃灣千色和元朗千色兩大商場將變身為全港首個運動村Play-lympic City！！繪畫這條運動村的是本地得獎插畫師Messy Desk (Jane Lee)，畫風搞笑趣怪，畫出數十個大熱運動，遍佈於兩個商場各個角落。整條村的色彩超級繽紛，每個運動員的造型趣緻可愛獨特。 淨睇無得玩？差點氣氛吧！好在有「GO HUNTING 運動蹤跡 ！」有奬遊戲，只需以流動智能手機於場內掃描QR碼，最快答中問題的參加者即有機會獲得「美麗華旅運旅遊現金券」！

曾被法國藝術雜誌《Get Freaky》賞識，並於法國、美國、英國、德國及歐洲等地舉辦個人展覧的本地得獎年輕插畫師Messy Desk (Jane Lee)今次為荃灣千色匯及元朗千色匯打造全港首個運動村Play-lympic City。

日期︰7月15日至8月31日
時間︰10:00am – 10:00pm

而荃灣千色匯更有光感動漫裝置，展現體操場館內14項體操項，只要觸碰其中的體操運動員，各項體操動作以光影投射活靈活現地展示於眼前，趣味無窮！ 

日期︰7月15日至 8月31日
時間︰10:00am – 10:00pm
地點︰荃灣千色匯三樓

10. 全港最大75米長巨型充氣迷宮

 夏天必去：沙灘！！除了玩沙，玩水，還可以玩迷宮！！！愉景灣的大白灣沙灘將在7月23日至8月28日為大家帶來全港最大沙灘充氣迷宮，長75米，闊15米。過萬尺的迷宮分三種不同高度，分別為1米、1.3米及1.8米。頭兩關比較簡單，但第三關設置了不同類型的障礙物及高台射水區，考你身手與反應，越玩越刺激！

日期：2016年7月23日(星期六)至8月28日(星期日)，逢星期四至日
時間：上午11時至晚上6時
地點：愉景灣大白灣沙灘
費用：免費任玩，及不設任何消費要求
設備：沙灘設有淋浴花灑，另備免費沙灘傘及沙灘椅供遊人使用

另外，愉景北商場亦有好玩意，廣場上將會出現巨型色彩藝術裝置。夏日獨有的陽光照射下，不同的彩色線條編織出立體圖案，變身獨特的幾何空間，充滿繽紛熱鬧的氣氛，最適合為孩子影靚相！

日期：2016 年 7月 23日至 8月 28 日，逢星期六及星期六及日 
時間：上午11時至晚上時至晚上6時 
地點：愉景北商場的露天廣
活動：免費氫汽球派發及彩色泡藝表演 
費用：免費

11. Sanrio人物變身運動員

咦，又一個以競技為主題的暑期商場活動？來到屯門市廣場的是Sanrio一眾大熱角色，佢地將會穿上全新運動裝造型登陸「Sanrio Characters 塗氣競技場」！ 以各種運動為主題，配以水彩、蠟筆、油彩等繪畫feel，Hello Kitty 與 Bad Badtz Maru (XO)負責項目係「田徑」、Little Twin Stars則化身「韻律泳」選手、Pompompurin(布甸狗)「射箭」、Kuromi「跳高」。Gudetama (梳乎蛋)呢，就梗係懶洋洋地hea，等你同佢合照。

「 Sanrio Characters塗氣競技場」裝置及塗氣精品店
日期：7月18日至8月31日
時間：上午 10 時至晚上10時
地點：一樓中央廣場

塗氣互動遊戲
日期：7月23日至8月31日
時間：平日下午3時至晚上7時；周末中午12時至晚上9時
地點：一樓中央廣場

12. Rainbow Beach露天廣場玩沙！

YOHO Mall形點舊年開幕後，由於有戶外空間，過去幾個長假都有幾好玩幾有創意的「玩意＋藝術」裝置！讚！ 嚟緊暑假，由7月29日至9月11日期間，戶外園林／露天廣場又有好嘢，最正係有沙池，又有得玩水。「夏舞．彩沙 Rainbow Canvas」係由逾十組大小不一、色彩繽紛彩沙池組成，糅合創意及色彩，有好多七彩沙粒，小朋友可以發揮無窮想像力，用彩沙將幻想世界堆砌，建構屬於自己的城市沙灘。另外，「夏舞．彩沙 Rainbow Canvas」則豎立彩虹水管，水流一路沿著水管緩緩流下，經過「O」字的水管，小朋友可以隨意攪動沙漏。

日期︰2016年7月29日至9月11日 (逢星期四暫停開放)
時間︰上午 10 時至晚上 9 時
地點：YOHO MALL露天廣場、綠化園林及中庭