新年幾日假，本地遊點可以少咗農場呢？加上城巿人多車多逼夾夾，小編而家一出旺角銅鑼灣就好似驚恐症發作咁；難得放假嘛，偷得浮生半日閒，不如一家大細，或者約同三五知己，又或情侶二人、閨蜜幾人，一齊搵個世外農莊HEA番一陣啊！

有時見有啲農莊被媒體一窩蜂吹捧，咁我地都會去試玩下，但去到先至覺得中伏：無乜特別又無乜好玩，場地又細！以下八個個個我地都去過（咁我地當然唔止去過呢八個），係心好玩無收廣告費之選～～^^

1/ 長洲西園農莊

小編真係好中意好中意呢度啊！

詳情：http://www.guideguide.hk/?p=10925　／　http://www.guideguide.hk/?p=9134

西園營地佔地超過四十萬平方呎（嘩，好大，大到宇宙大爆炸～～），設有5個不同主題營區：美洲印第安營、南非探險營、觀星圓拱屋、遊牧蒙古包及新穎樹繭，住上一、兩晚，好像到了外國一樣。目前只開放美洲印第安營、南非探險營、觀星圓拱屋，遊牧蒙古包興建中，不日開放，新穎樹繭也有排未起，要再等等～～營帳開放都要視乎天氣，和營地安排而決定開放與否，想去玩返晚，就先打電話去詢問吧！

雖然營費都幾貴，但小編覺得環境真的很好，應該去玩一晚會很開心（雖然有點肉赤）。現在付費$80，就可以入場參觀。（不過都係有啲啲肉赤，哈哈）

2/ 448農莊

開業半年左右的農莊，可以去買收成的農作物同時花！呢個農莊又係小編心水偏心推介。

詳情：http://www.guideguide.hk/?p=10935

這裡可以玩的東西可多得很呢！雖說沒有「機動遊戲」，更不是「冒險樂園」啦，但滿園卻到處都是大草地，大小朋友都可以在上面消閒耍樂啊！玩集體遊戲，行；野餐，行；bbq，行；還可以過夜露營呢！

農莊一隅，有個木製的小型遊樂場，有齊基本兒童遊玩設施；拐個彎，又有兔仔籠和鳥籠可觀賞。不過對樹根莊主來說，其實上面所講的，統統都不是他最在意的，他最在意的，大概是想大家多多欣賞他那幾個「農耕地」——他那引以為傲的新式種植研究溫室、魚菜共生園、令人垂涎的肥美蔬果菜園呢！

支持我們繼續營運

「拖手仔去街GUIDE」旅遊網一直由編輯K和M自掏腰包經營，由2016年至今已經幾年，背後並無任何BACKUP。亦由於我們不想太HARDSELL和賣廣告，一直以來極少接鱔稿JOB。

如覺得我們的資訊又用，想給我們一點鼓勵，請以PAYME或FPS打賞（SCAN QR CODE）。多多益善，少少無拘。

Payme: https://payme.hsbc/guideguidehk

FPS ID（轉數快）：0718742（姓名 HUI S*** M**）

架巴士已經改建好，而家係間CAFE可以入去坐下。

3/ 清新地有機悠閒莊園

乾淨得很！世外桃源！好似去咗外國咁啊真係！

詳情：http://www.guideguide.hk/?p=10949　／　http://www.guideguide.hk/?p=8241

Hallo~~~~!!! （荷蘭話hello咁解）
位於科大山腳下有個神秘小國——清新地有機悠閒莊園，百分百的荷蘭風情！一進門口，就看見勁勁勁搶眼球的紅色風車，襯著藍天白雲，和廣闊的草地，活脫脫的一幅歐洲風情畫。小編真心覺得，這可能是全港最靚最乾淨的農莊！！！！

4/ 樹屋田莊

樹屋真的好特別！攀上樹頂望出去，靚到揼一聲！各式歷奇活動也好玩得很。

詳情：http://www.guideguide.hk/?p=1331

田莊原來早在1992年已經成立，照片中這座樹屋是第4代，2015年夏天建成，由園內員工和老闆一手一腳逐塊木砌成，材料主要是樸樹，更顯堅固！小木屋離地約5米，實用面積約130尺，分分鐘比那些劏房更大。想要爬上樹屋，每次都必須由2位教練陪同，最多6位大小朋友同時入屋，安全可靠。站在其中，遠眺大埔山脈，彷如身處瑞典，或是某個童話世界，天藍得不可思議，草綠得似畫，小鳥偶爾停於伸手可及的樹枝上，靜靜欣賞，寫意舒適。

5/ 假日農場

這個農場的玩意很懷舊，但真心講句，真係超級好玩！刺激！細路仔大叫過癮！

詳情：http://www.guideguide.hk/?p=1495

位於上水的假日農場像是個停留在90年代的好地方，開了20多年，裡面的玩樂設施簡單，甚至乎可以說是有些舊，但就是能令小朋友玩得滿頭大汗，笑聲不斷。藍色大水桶變身成九曲十三彎的滑梯，小朋友玩得哇哇大叫；車胎變身巨形鞦韆，盪啊盪啊，小編最愛！這些都由負責人自己構思，親手製造，雖用了很久，但護理得很好，安全可靠。

6/ 天水圍綠田園燒烤樂園

海陸活動多！加埋bbq，一流也！

詳情：http://www.guideguide.hk/?p=6947　／　http://www.guideguide.hk/?p=10902

位於天水圍的綠田園算是第一代有機農場，早於1988年就成立了，園裡玩樂設施多不勝數，撈金魚、卡通電動車、跳彈床、旋轉木馬、草地滾球⋯⋯小編最愛玩水上大滾球，好像雙腳直接站在水面上，勁為神奇，絕對是江湖人物的輕功水上飄。不過，要轉動大球可不是簡單事，既考平衡，又考力度，太用力只會吃力不討好，不見得滾得多遠；太細力，又會轉不了，真是訓練體能和心靈的好玩意。

7/ 錦田鄉村俱樂部

這個位於錦田巿中心不遠的鄉村俱樂部，由圍村原居民營運，好有土炮樂園的感覺！大草地旁燒烤，正吖！帶埋狗仔去都得唷！

詳情：http://www.guideguide.hk/?p=1620

乘車到錦田鄉村俱樂部，沿途村屋華美，有小河大山作景。俱樂部佔地八十萬平方呎，有碰碰車場、彈床樂園、釣魚塘、有機農場、射箭塲、大型燒烤場等，按活動個別收費，感覺有啲似荔園！別誤會俱樂部只是村民限定的私人遊樂園，其實入場費全免，歡迎公眾帶同寵物前往。問「村民職員」是否每日營業、何時開門，「你嚟到就開架喇！」隨意率性，大門隨時為你打開，聽到不禁會心微笑。逛一圈，見園內老農夫擺賣剛摘下的龍眼，十幾塊錢買兩磅竟額外獲贈多半磅，就算龍眼不甜心都甜。

8/ 嘉道理農場

這個農場，大家細細個就聽過佢個名啦！但會唔會遺忘了它，多年都未再去過呢？其實嘉道理農場真係幾好玩，又有得行山！放假得閒搵日去玩下啦，父母就當重遊舊地吖嘛！

詳情：http://www.guideguide.hk/?p=5367

位於大埔的嘉道理農場，百分百是親子假日好去處。小編最愛參加場內活動「動物全接觸」，親親小動物，帶著小朋友去餵騾仔，大人細佬樂成一團，樂趣滿滿！這隻騾仔更是大有來頭，早在2002年興建昂坪吊車時，因礙於纜塔位置及工作地點處於郊野公園範圍內，工程車未能直達工地，故從加拿大入口六匹富經驗的騾仔，負責運載水泥、沙石、木材及廢料等。眼前的騾仔就是其中之一，牠完成任務後，就來到嘉道理農場養老。