【十大今夏SUMMER FUN 】戶外活動篇

明天就是7月第一個周末；而且學校放暑假，孩子不用上學的日子也快到了。

除了計劃出國旅遊之外，留港期間，去哪兒玩好呢？

拖手仔去街GUIDE編輯部精選了一些好去處，可以SAVE低或者傳畀朋友共享呢！

1/ 愉景灣恐龍歷險樂園

一年一度，愉景灣大白灣沙灘都會在夏日暑假期間有大搞作，畀大小朋友喺幼滑沙粒上，同陽光與海水玩遊戲！

今年主題係——「恐龍歷險樂園」！！！

先來個活動懶人包：

PART A

地點：愉景灣大白灣

日期： 7月21至8月12日

更多：http://www.guideguide.hk/?p=14884

2/ 10大唔使錢的好玩遊樂場

「拖手仔去街GUIDE」旅遊網一直由編輯K和M自掏腰包經營，由2016年至今已經幾年，背後並無任何BACKUP。亦由於我們不想太HARDSELL和賣廣告，一直以來極少接鱔稿JOB。

如覺得我們的資訊又用，想給我們一點鼓勵，請以PAYME或FPS打賞（SCAN QR CODE）。多多益善，少少無拘。

Payme: https://payme.hsbc/guideguidehk

FPS ID（轉數快）：0718742（姓名 HUI S*** M**）

雖說由上世紀九十年代以後，世界各地先進城巿（當然包括香港）的公園遊樂場設計都有點悶騷——安全為上、千篇一律。色彩繽紛的塑膠組件，跟七十年代的「冒險」元素差遠了。但我們搜索了一些較大面積的、或帶主題的、或最新型以感官體驗為主的，都仍然值得帶小寶寶去玩一趟！

你玩了多少個呢？ (*排名不分先後*)

01 觀塘海濱 百分百感官體驗

觀塘海濱花園沿著海邊而建，漫步長約一公里的草地上，除可觀景、吹海風、野餐、喁喁細語外，還藏有孩子愛煞了的遊樂設施。彈弓腳的平衡木，考平衡；有轉不停的圓椅，考臂力；還有感官花園，看哈哈鏡、聽傳聲筒、摸七彩齒輪……視覺、聽覺和觸覺，活用五感，一切都是那麼新奇。

想知更多：http://www.guideguide.hk/?p=7707

3/ 平民水上樂園——嬉水池

全港共有43個公眾游泳池，其中21個有嬉水池！所謂嬉水池，大部分採用不規則形狀，有比較多的嬉水設施，例如滑水梯、蘑菇形水簾、噴水池等等，十足水上樂園，BUT，照樣只收入場費，19蚊咋！所以夏天一到，就擠滿弄潮兒啦！

好啦，其實游水一般都係揀返當區，不過想當去水上樂園咁玩就唔係咁講喇！帶小朋友跨區去玩勻咁多區，新鮮感大增喎！例如斧山道泳池的皇牌是室內的海盜船，可爬上滑下扮海賊；顯田嬉水池則多小型滑梯、蘑菇瀑布及跳躍噴泉；將軍澳的設施最多又新淨，以飛機和飛航船為主題，還有個超級大水桶突然淋水，刺激過癮。

以下列晒咁多區的嬉水池先！

香港區（3個）

1. 中西區：堅尼地城游泳池

地址：堅尼地城西祥街北2號　

嗱，老老實實，呢個嬉水池都ＯＫ但唔太特別！但本身西環呢個泳池係好大好靚好出名的，室外池面仲可以邊游邊看維港景色，有「西環水立方」之稱！所以個泳池係非常值得一去。去年曾爆天花玻璃而要緊急維修，已經修葺完工重開！

　圖片：康文署網站

網上圖片

想知更多：http://www.guideguide.hk/?p=7881

4/ 夏天行山路徑要搵清涼消暑有水嘅！

小編精選10 大親子行山路線，綠色水塘、瀑布飛翔、湖中小島、嵐山竹林⋯⋯呢個天氣行真係一流，涼中帶熱，熱中帶涼～

>>行山時間一定要避開正午，早上行山最好不過啦。記得吃早餐，前一年天有睡個大飽足。
>>出發前，要應準備充足水分，最好帶些電解質飲品，補充流失汗水，紓緩疲倦。所有飲料都唔好雪得太冰凍，因為身體器官在運動時很熱，飲冰水會令器官難以適應。

1. 流水響水塘聽那流水淙淙響　

流水響郊遊徑長4.4km，沿徑湖光山色；亦有充足的郊遊没設施，如龍山橋、流水響橋及燒烤場等。沿途走來，寧靜滿佈林蔭，好山好水。這裡在上世紀六十年代是個小型儲水庫，用作灌溉附近農地而設（新界東北是農業基地嘛！），現時則用作觀賞用。

其他9大靚相：

想知更多：http://www.guideguide.hk/?p=11950

5/ 好玩加靚景農場

城巿人多車多逼夾夾，小編而家一出旺角銅鑼灣就好似驚恐症發作咁；放假嘛，偷得浮生半日閒，不如一家大細，或者約同三五知己，又或情侶二人、閨蜜幾人，一齊搵個世外農莊HEA番一陣啊！

有時見有啲農莊被媒體一窩蜂吹捧，咁我地都會去試玩下，但去到先至覺得中伏：無乜特別又無乜好玩，場地又細！以下八個個個我地都去過（咁我地當然唔止去過呢八個），係心好玩無收廣告費之選～～^^

想知更多：http://www.guideguide.hk/?p=11143

6/ 追趕跑跳碰大草地

長假期又到，春暖花開，藍天白雲相伴時，係時候搵個靚草地野餐啦！坐在草地上追逐玩下或者野餐真係好有feel，仲未計四周開好的花呢！愈講就愈心動，一於約埋啲Friend去玩啦！雖然已經有n個網上平台寫過n大草地，不過小編今日依然好想在青青草地上滾動一次，亦好想分享或重新提醒大家n個我認為超正斗的草地。以下精選n個草地，講明愛上它們的獨特理由。

想知更多：http://www.guideguide.hk/?p=9657

7/ 世外桃源平價打GOLF（有瓦遮頭，又有室外）

好多人未必知，西貢海上的滘西洲有個公眾golf場，靚到完全唔似係香港！

島上全是厚厚的綠草地，氣氛很似外國的渡假勝地，小編k腳步都不期然慢左十步。建築物都係美式的小屋，單幢式走悠閒風。

平時打golf，總覺得係有錢人玩意，平民的的只會遠觀啦😅。估唔到呢度星期六日夜晚有自助餐+打golf套餐，$188，包曬嘢食同兩個鐘任打golf練習場，同埋來回船飛，性價去極高。兩個人的生活，偶爾來點新意，試試新事物，心情和關體都會大力UP！即使不喜歡打golf ，簡單地係島上行行逛逛，坐坐草地，看看全新的風景，已覺很舒適，像是渡了假般！

http://www.guideguide.hk/?p=14547

8/ 近巿小島馬灣小旅行

位於馬灣挪亞方舟對面的大自然公園，拱形設計的英式浪漫涼亭、歐式莊園的大門上裝置著個大鐘，有點像愛麗絲夢遊仙境裡的小公園。正門有大大個、會噴水氣的巨型鸚鵡螺殼作標記，蹦蹦跳玩水同影相都一流～入口附近還有不同國家的藝術家繪畫的「彩虹牆」，又有各式以回收物料創作的環保裝飾，都係個句：打卡幾靚！附近又有世界唯一挪亞方舟，或者去馬灣舊村體會漁港廢墟風情。

歐陸式建築風格，絕對是打卡HEA嘅好地方。

「鳥望台」，可直望到青馬大橋。

9/ 露營首選---西貢創興水上活動中心+其他之選

春夏天，太陽不太毒，天氣和暖，去露營真是不錯！以天為被、以地為床，一家人窩在帳篷內，那個狹小空間，迅即親密感滿溢。小編K精選10大露營必去地，既有＄0 之選，但要求高，裝備繁多，新手爸媽吃力呢！！又有幾十蚊之選，仲可以兩手揈揈，平、靚、正！！還有幾百蚊的合理之選，駕車直到，方便好玩！！最後是上千的豪華露營，真真正正的高級享受，設施齊全乾淨，BB仔都岩玩～～～各有各好，各有各玩，反正都是24小時全天候接觸大自然，閉上眼前看滿天星，睜開眼陽光照臉，家庭樂無窮。