乍看以為牛池灣公園平平無奇，但其實它背後都有點歷史故事。它的前身是堆填區，1977年停用後荒廢廿多年，至2000年環保署修復土地後，2008年移交康文署，花了大約2億興建公園，拿下了一個由聯合國所頒的「2010亞洲都巿景觀獎」。
歷史講完，講下公園有咩玩。其實說實在無乜特別啦，啱小朋友的都係一般玩樂設施。最特別可能係公園中央有個名為「牛池」的水池，襯返牛池灣的地名，有幾隻水牛雕塑……屬牛的小朋友可以去影下相喇！

＊＊適合幼兒以上

 

廣告

小知識：現時香港一共有13個用完的堆填區，由於堆填區土地會持續沉降，深埋的垃圾亦會釋放沼氣，所以唔可以打樁起樓，通常都會在上面種植草皮改建為休憩公園、運動場地、遊樂場等，將垃圾地變為康樂用地。例子包括藍田晒草灣遊樂場、葵涌醉酒灣國際小輪車場、新清水灣佐敦谷公園和今次介紹的牛池灣公園等。

廣告