每逢冬天，肚皮最記掛的都是廟街煲仔飯！小編V有時收工又餓又凍，立即就撲去廟街搵暖笠笠煲仔飯！
廟街有各家不同風味的煲仔飯菜館，其中，興記菜館自80年開業，用炭火香吸引無數食客，就算今日因為安全及衛生問題已不能在店外看到師傅扇火撥煙的氣氛，店家就在廟街設爐灶工場繼續用炭火燒飯，客人即叫即煲。所以，肚仔餓的話，叫份超足料蠔餅歎吓先！
是日點了章魚雞粒煲仔飯和羊腩煲仔飯，大概等了20分鐘，打開香噴噴，立即淋上他們家煲仔飯豉油再焗一陣……食得！粒粒香口又有飯焦，最喜歡那勁滑雞粒，吃著整個人都溫暖起來。

＊＊適合小學或以上

總評（5星滿分）：
好味度：4星
舒適度：2.5星

 據說店家80年開店時只有賣4款煲仔飯，今天卻已有豬頸肉、羔蟹、白鱔油鴨等69款煲仔飯（另外還提供煲仔菜、海鮮小炒和粥粉麵飯）。菜館在廟街有3間分店，一般時間不用排隊但天氣一凍就人多。

煎蠔餅，粉不厚而且口感粉脆，啖啖蠔仔非常足料，小份售$35。 蠔仔都幾大隻架！ 辣椒醬不算好辣，沾點蠔餅入口更惹味！ 章魚雞粒煲仔飯$41，為了拍照，豉油落多咗!其實輕手倒一下就可以，否則太咸蓋過肉味和飯香。

羊腩煲仔飯$63，白飯帶油香豐腴滋味，唯羊腩偏乾身。 多食無益的飯焦，這次就讓我吃個夠吧！