大館於2018年5月開幕，當時很熱鬧搶手，時至20202年，熱潮散去，近來前往時人流都不多。建築群由三項法定古蹟組成：前中區警署、中央裁判司署和域多利監獄，現活化成古蹟及藝術館。甫一進館，紅磚牆、花崗石雕刻與巨型圓柱⋯⋯細節保留得很好，帶人回到過去呢！打卡位多不勝數，例如翻新為步行樓梯的「洗衣梯」，雪白無比，拾級而上，像是走進歐美那些博物館的夢幻階梯。這裡更能充當戶外放映電影的觀眾席，頗具心思。還有監倉、監獄圍牆、槍房等。

館內四周擺滿不同藝術家的裝置藝術，不時舉辦特色展覽，逢周五傍晚將變成「藝術不夜館」，播放露天電影、藝術展覽等，文藝氣氛很濃郁。

1. 謹記參觀需事先預約，可網上選擇好入場日期及時間，換取電子入場票，每日上限為2000人：https://www.taikwun.hk/zh/visit/taikwun_pass

（其實平日人不會太多，walk in都可以；但，周末或假日就最好先預約啦，免得一場來到入不到就掃興）

2. 大館有5個入口：

＞紫荊樓閘
＞藍閘
＞行人天橋閘
＞奧卑利閘
＞砵典乍閘

它的專頁指示頗為清晰，也有教搭乘甚麼交通工具，不怕找不到：https://www.taikwun.hk/zh/visit/basic_information

3. 開放時間算很長：由上午11點至晚上11點（訪客中心至晚上8點）晚上個FEEL仲正！放工嚟行下拍下拖都得！入面有很有情調的酒吧呢！

4. 除了保育古蹟遊（可以自由行或參加導賞團）、睇藝術展覽、參加各類藝術活動之外，仲有唔少有型有格來自世界各地的商舖可以閒逛或消費，仲有好幾間價錢由親切到昂貴一點的平民至高級餐廳，豐儉由人。

總之，真係極多嘢可以畀你親身EXPLORE！親子遊GOOD FIT：小朋友最中意參觀囚室，扮囚犯；情侶遊亦佳：影相點真係多到數唔晒，女生一定超中意；至於寵物遊：好似話考慮緊下一階段有可能會畀人帶狗入去行㖭！

支持我們繼續營運

「拖手仔去街GUIDE」旅遊網一直由編輯K和M自掏腰包經營，由2016年至今已經幾年，背後並無任何BACKUP。亦由於我們不想太HARDSELL和賣廣告，一直以來極少接鱔稿JOB。

如覺得我們的資訊又用，想給我們一點鼓勵，請以PAYME或FPS打賞（SCAN QR CODE）。多多益善，少少無拘。

Payme: https://payme.hsbc/guideguidehk

FPS ID（轉數快）：0718742（姓名 HUI S*** M**）

小編M真係超中意呢度！應該係目前為止，全香港做得活化同埋保育最好的古蹟群了！Credit goes to香港賽馬會！They really did a GREAT JOB!　開幕以來，口碑都好好，差不多每個去過的人都讚口不絕！而且，佢唔似得其他景點，令人覺得去一次就夠，佢真係吸引到人會想不停再去！

單係樓梯位已經玩成日咁滯。

好欣賞呢個酒吧，睇相好似好chilly，實質好cosy同好friendly。

好鬼中意操場同廣場的「放風」空間。大家坐下行下，傾下計，中意就入返室內睇展覽，食下嘢，SHOPPING一下。完全唔會令人感覺侷促，係真係令人想逗留。感覺很FREE，唔似得有啲古蹟或博物館，靜英英，針跌落地都聽見；或者派鬼死咁多個SECURE昅住你，等你周身唔自在。呢度連啲職員制服都好好～

入夜氣氛更正～

節錄管理團體的這番話：

"中區警署建築群是香港的一塊瑰寶，所以我們需要你的一同協助來愛護這個地方。

我們需要你尊重這個地方、其他訪客以及在此工作的人員。

請幫助我們保持地方乾淨整潔，保護歷史古蹟免受損害。因為在這裏，每一堵牆、每一扇門都是香港歷史的一部分。請幫助我們保護那些曾經為在這裏工作或生活過的人提供遮蔭和好運的一樹一木。"

正因為呢度無乜SET規則，畀你周圍行周圍逛，所以大家真係更加要自律同埋好好愛護呢笪咁靚嘅地方呀！