香港目前唯一的兒童探索博物館就位於北角，重點就是這兩字：探索！！整個館的設計都是好玩的展品，可以概括地分為4個大區域：愛耗大自然、小工匠工作室、故事小舞台、漫遊小香港。每個區域都有好多意想不到的好玩處，唔止小朋友玩得開心，有時連大人都玩到唔捨得走。講係展品，但其實全部都玩得，可以讓小朋友用手用腳用腦去探索，一邊玩，一邊了解更多地球的未知面。唔需要刻意講學咗啲咩，但玩玩吓就會多咗好多生活經驗！

嗱！唔好一聽到博物館就以為係政府搞。（哭笑）創辦人范本賢館長強調，香港兒童探索博物館無任何政府資助，都係佢地一手一腳慢慢籌辦，所有收入均來自門票收益及慷慨的個人捐助。（小編心有無限感，我地去街Guide都係小編兩人自己搞㗎，唔係大公司無資助無Funding）。

館內大部分展品都能讓小朋友和大人一起玩，另有專為3歲以下幼兒而設的探索專區。小編當天和小女孩棉棉一起去玩，綜合好玩程度後，精選了以下6大必玩：

必玩1：地球任你塑  非一般的玩沙～

館內太多野玩，當日和小女孩棉棉一起出發去玩！小編最愛這個「地形隨心塑」，小小沙池投影成地形地脈，藍色的海洋、綠色的綠野，棕色的山頂⋯⋯我們可以用雙手去改變地形，大大力一推，就能將海洋分裂，把地球搓圓撳扁～～大人細路都玩得好開心！

就在地形旁邊就有一個顯微鏡，用來照「奇趣收藏館」中的物件。

媽媽拎塊石頭來照，發現石頭裡面係紫晶石，閃亮如珠寶，玩得仲開心過小朋友～

平時常見的物件，經過顯微鏡一照，全部唔同曬樣。

笑一笑，館長和小編講起館內見聞，發現很多小朋友都不敢打開這些櫃桶（哭笑）！大概是因為香港的孩子比較乖，習慣聽話，要得到大人的明示才敢嘗試未知的東西～

支持我們繼續營運

「拖手仔去街GUIDE」旅遊網一直由編輯K和M自掏腰包經營，由2016年至今已經幾年，背後並無任何BACKUP。亦由於我們不想太HARDSELL和賣廣告，一直以來極少接鱔稿JOB。

如覺得我們的資訊又用，想給我們一點鼓勵，請以PAYME或FPS打賞（SCAN QR CODE）。多多益善，少少無拘。

Payme: https://payme.hsbc/guideguidehk

FPS ID（轉數快）：0718742（姓名 HUI S*** M**）

必玩2：小工匠工作室

工作室大約每兩個月轉一次主題，今次就係聲音，可以玩唔同小實驗、設施！棉棉玩得最開心係呢個自製軌道～軌道貼著磁石，可讓小朋友自由組合，球從高空經軌道滑下，降落點次次唔同，睇你想點設計。媽媽也幫手一起移動條管，大家一起玩！

看空氣能吹起多重的物件？

這裡還可以隨心在窗試繪畫寫字，挪正牌周圍畫，開心！

必玩3：夾手夾腳閂電制

玩樂展品專門為10歲或以下的兒童而設計，更鼓勵從初生到100歲的家庭成員一起參與各項遊戲。所以，很多設施都能讓大人也一起玩！像這個閂電制，棉棉玩到唔捨得走，要玩幾次。原理簡單，大人細路一起閂電制，一個人閂唔曬，因為閂完一邊，另一邊又會亮返燈，所以要大家一齊玩！館長笑講：「呢個設施就係想同大家講，講節能，一個人的能力有限，更需要大家的合作！」

遊戲成功後會大播音樂，來一起跳舞吧！

睇到中間，係未已經想同小朋友去玩？記住啦，去呢度最好事前購買門票，費用如下圖。
門票有效期為一個時段，每天一般設有3節時段，每節時段都為2.5小時，最多可以招待150個訪客。

購買門票鏈接：https://www.childrensdiscoverymuseum.hk/tc/buytickets

必玩4：大榕樹樹屋繩網陣

樹＋遊戲室，不少遊戲室都有類似的設施，但這裡的就與別不同啦～套用了香港最多的榕樹作原形，整個設施就一大棵榕樹，掛滿攀爬架船繩網，小朋友攀上攀落，放電一流。旁邊還設有榕樹下的閱讀區，和一些關於榕樹在香港的介紹，頗具心思！

必玩5：水源號  拎正牌狂玩水  製造水龍捲啦！

小朋友最愛：玩水！呢度有艘船，船上面滿佈各種各樣的機關，全部都同水資源有關，睇下水係點樣循環、水的流動特性、水力量有幾大⋯⋯小朋友唔使聽書學咩智識，就咁玩就夠過癮，又可以係玩當時自然而然咁明白一些常識。（「水源號」內置消毒系統，玩得安心，同埋玩水時有圍裙，又唔怕整到成身濕曬～）

走入「水之源」前，會經過一條垃圾隧道，天花掛滿膠樽，牆身有被棄置食物的裝置！

必玩6：扮鬼扮馬  綠幕裡當主播

文靜型小朋友最愛，小小劇院！有綠幕背景，可以變身主播，媽媽講綠幕好多小學現在都可能會設有，但呢度好就好在，有埋編戲室、導演室、手偶劇場⋯⋯每間都有好多設施，像真度好高，有種「真的在主播/演戲」的感覺！

其他好玩：

專為3歲以下的小朋友而設的～

閘機都咁細部，好得意！

館在1樓，而地下還有餐廳和書店（同探索館無任何關係，純粹位置接近，大家樓上樓下）。玩之前或之後，可以在此食個輕巧得茶點！

睇到最後，如果你打算同小朋友去玩？記住啦，去呢度最好事前購買門票，費用如下圖。
門票有效期為一個時段，每天一般設有3節時段，每節時段都為2.5小時，最多可以招待150個訪客。

購買門票鏈接：https://www.childrensdiscoverymuseum.hk/tc/buytickets

館長有話說

館長范本賢
小檔案：持有哈佛大學的教育學院碩士學位及為美國馬薩諸塞州註冊（合資格）教師。范本賢曾在美國及香港的學校任教，在北京知名的幼兒園公司管理教育團隊，以及在香港為有幼兒的家庭擔任顧問。

開辦這間館的原因很簡單，因為香港沒有呀！海外很多地方都有兒童探索博物館，不拿歐美作例子，鄰近的地區如北京、高雄也開設有這類展館。到訪的小朋友，甚至整個家庭都能透過親自動手玩的展品，遊玩中豐富孩子的生活經驗，一家人製造開心的回憶！

相信：小孩擁有自主思考的能力，應該給予他們適當的時間和空間，讓他們去發掘與生俱來的求知欲。